DIKAR MONDRAGONeko kooperatiba bat da eta ehizarekin, kirol-tiroarekin eta outdoor jarduerekin lotutako markak garatzen eta merkaturatzen ditu.
Eibarko armagintzaren tradizioan jaio zen taldea, eta eboluzionatu egin du, nazioarteko presentzia zabala eta hainbat merkatu eta diziplinatan marka ezagunak izateraino.
Gaur egun, 300 pertsona baino gehiago dira lankidetzaren, espezializazioaren eta lana eta hazkundea ulertzeko modu partekatuaren bidez eraikitako proiektuaren parte.
Batasun horrek markatu zuen espezializaziotik, berrikuntzatik eta nazioarteko bokazio indartsutik eraikitako ibilbidearen hasiera. Batez ere Estatu Batuetara, denboraren poderioz taldearen motor nagusietakoa bihurtuko zen merkatura.
Orduz geroztik, DIKAR nazioarteko talde bilakatu da, eta marka ezagunak ditu ehizaren, kirol-tiroaren eta outdoor jardueren sektoreetan. Hala ere, beti mantentzen du bere jatorriaren izaera hurbila, inkonformista eta kooperatiboa.
1969an sortu zen Dikar, armagintzako bi konpainiak bat egin zutenean Eibarko armagintzaren gunean: Mendi S. Coop.k eta Jukarrek eskopetak eta aurrekargako armak egiten zituzten. Elkartze horren arrazoi nagusia Jukarrek bere merkatua Estatu Batuetara zabaltzeko erakutsi zuen interesa izan zen, Mendi S. Coop.k batez ere bertan saltzen zuela ikustean.
1980an, Eibartik Bergarara aldatu zen konpainia instalazio berrien bila, eta gaur egun bertan dago. Eta 1991ra arte ez zen Dikar Mondragon korporazioan sartu, bere bidea euskal enpresa talde nabarmenenari lotuz.
1992an, Fitness makinen proiektu berri bat jarri zen martxan, Wingroup markarekin. Marka horrek Txinan sukurtsal bat irekitzera eraman zuen Dikar, baina 2016an desegin egin zen 90eko hamarkadan izandako boomaren ondoren.
2003an, Dikarrek BPI OUTDOORS erosi zuen, ordura arte Dikarri errifleetarako kanoi gehien erosten zizkion konpainia amerikarra. BPIk 4 urte lehenago erosi zuen CVA aurrekargako marka. Urte berean, Dikarrek sukurtsal berri bat ireki zuen AEBn QUAKE osagarrien marka ekoizteko, baita aldameneko herrialdean ere, DIKAR PORTUGALekin.
2010ean, Bergara marka merkaturatu zen. Lehenbizi, kanoiak egiten zituen, eta, gero, errifleen eta osagarrien katalogoa egiten zuen. Marka AEBn 2015ean sartu izanak markarentzat mugarri bat suposatzen du, eta, 5 urte baino gutxiagoan izan duen arrakastari esker, Bergara Riflesen salmentak Dikarren gainerako negozioenak baino handiagoak dira, gaur egun aktiborik garrantzitsuena eta ospe onena duen marketako bat izanik.
Gaur egun, 2022an, DIKAR S. COOP.ko marken multzoa, bai zuzenean, bai AEBko gure filialaren bidez, BPI OUTDOORS, mundu mailako erreferentzia bihurtu da, produktu fidagarriak, iraunkorrak eta kalitate handikoak eskaintzeko ardura eta konpromisoa duen pertsona-talde bati esker, gure bezeroak zale bihurtzea lortu duen zerbitzu hurbil eta inplikatu batez lagunduta, marka batek izan ditzakeen enbaxadore onenak izanik.
Gure kultura kooperatiboa lan egiteko, lankidetzan aritzeko eta hazten jarraitzeko moduaren parte da. Gauzak ulertzeko modu bat,
inplikazioan, erantzukizunean eta gauzak ondo egiteko konpromisoan oinarritua.
DIKARek nazioarteko presentzia du hainbat filial estrategikoren bidez, hazten jarraitzeko eta gure merkatu nagusietatik gertu egoteko aukera ematen digutenak.
Hainbat marka banatzeaz gain, haietako batzuetarako osagai eta lerro espezializatuen fabrikazioan parte hartzen du..
Egoitza nagusitik gertu dagoenez, laguntza estrategikoa da industria-gaitasunerako eta produkzio-malgutasunerako.
Lankidetza, parte-hartzea eta garapen ekonomiko eta sozialarekiko konpromisoa oinarri hartuta eraikitako erakundea, hazkundea ulertzeko modu bera duten enpresa eta pertsonez osatua.
Gaur egun, Industria, Finantzak, Banaketa eta Ezagutza arloetan banatutako kooperatiba eta erakundeek osatzen dute MONDRAGON, eta bost kontinenteetan dute nazioarteko presentzia.
Lehiakortasuna, berrikuntza eta pertsonen aldeko apustu sendoa uztartzen dituen enpresa-ekosistema globala.